Lag din eigen båtalen

Fakta:
Legg Dykkar kurs/konferanse arrangement til Hardangerfjord Hotell i Øystese. Hotellet ligg fantastisk til ved Hardangerfjorden, omkransa av ein 12 mål stor hage med utsikt til Noregs tredje største isbre, Folgefonna.
Med 87 nyrenoverte hotellrom, kurs- konferansefasiliteter med audiovisuelt utstyr som; høgtaleranlegg, videokanon i alle møterom, trådløst nettverk, samt store og mindre møterom og grupperom - i tillegg til god mat og triveleg miljø, gjer at ein har det meste for å oppnå eit vellukka arrangement.

Ynskjer gjestene/deltakarane aktivitetar/opplevingar under opphaldet, kan vi tilby følgjande: 

Aktivitet / Oppleving:
Instruktørar frå Hardanger Fartøyvernsenter viser korleis tradisjonelle robåtar er bygd etter eit system, der ein kjepp har alle dei vitale måla merket av på seg.

Deltakarane blir sett inn i den historiske konteksten. Dei skal lage sjølve kjeppen og merke av måla til båten som står i småbåtverkstaden.
Dei skal hogge kjeppen, høvle den og setje av merka.

Kjeppen er flott å få med seg heim og vise fram for venner og kjente, samt fortelje om ei verd som er heilt fjern for mange av oss.

Sesong: Heile året
Lengde: Frå 2 time